جعل القلوب اللي تزايد غباها
ماعاد يبغى داخل عروقها دم
يالله عسى ربي يزود عماها
يمكن تحس بخلق ربي وتهتم
لو بعض ماجاني من الحب ماجاها
ماكان والله ذاقت النوم من كم
بعض العواذل صمتنا ماكفاها
وكثر الحكي لو ينفع الجرح يلتم
ياهيه ياللي بالنصيحه تباها
لاشفتني مهموم لاتزيدني هم
لاتقول:خل الحب وانسى غلاها
ومستقبلك في عالم الحب يهدم
نفسي وهي نفسي وانا ابخص دواها
بس ابتعد عني وانا ارتاح ياعم
كل العواذل خابر وش بلاها
ماعمرها حبت ولاتحب من ثم
** ** **
السبت أغسطس 30, 2008 5:04 pm